Poem: ...Mera Mann Hai; Written by: Pankaj Mittal
28 Nov, 2006 Time: 11 PM
Chaha tha ki din raat tumhe dekhoon
par ab tumhe ek nazar dekh loon, mera mann hai
Chaha tha ki tumhare saath zindagi bitaoon
par ab tumhare saath kuch pal mil jaaye, mera mann hai
Chaha tha tumhe apne bare mein sab kuch bataoon
par ab tum kuch pucho, mera mann hai
Chaha tha tumhe apne ghar par bulaoon
par ab tumhare saath ek coffee hi sahi, mera mann hai
Chaha tha tum sapno se nikal kar samne aa jao
par ab kevel sapno mein hi aa jao, mera mann hai
Chaha tha tumhare saath tumhare sukh dukh baantoo
par ab tum apne kevel dukh de jao, mera mann hai
Chaha tha tumhari har saans mein mera naam ho
par ab kabhi to tum mujhe yaad karo, mera mann hai
Chaha tha tumhe saamne bithakar yeh sab kahoon
par ab tum bina kuch kahe samajh jao, mera mann hai !!
Subscribe to:
Post Comments (Atom)
1 comment:
this poem is dedicated to someone very special to me...
Post a Comment